የቤተሰብ ፍለጋ ምክትል ኘሬዝዳንት የሆነችው የቃልኪዳን መልዕክት ለኢትዮጵያዊ ቤተሰቦች

Vice President Kalkidan’s message to Ethiopian families

ተልዕኮ

የኢትዮጵያ ማደጎ ወይም ጉዲፈቻ ትስስር  በጉዲፈቻ ምክንያት የተለያዩ ቤተሰቦችን እንደገና  ለማገናኘት ነጻ አገልግሎት የሚሰጥ ድርጅት ነው፡፡ የድርጅቱ ዓላማ ፡ የጉዲፈቻ ልጆች፤ የጉዲፈቻ ወላጆች እና የተጥሮ ወላጆች  እንደገና እንዲገናኙ በመርዳት እና በማስተማር ስር የሰደደ ግንኙነት እንዲቀጥሉ ማድረግ ነው፡፡ ይህን ዓላማ ለማሳካት የኢትዮጵያ  ማደጎ ወይም ጉዲፈቻ ትስስር  የመረጃ ቋት በማዘጋጀት፤ ከጉዲፈቻ  ወላጆች ጋር ያለውን የግንኙነት መረብ በመጠቀም በኢትዮጵያ የሚገኙ ማህበረሰቦችን ለመድረስ ጥረት ያደርጋል፡፡ እንዲሁም የድጋፍ ቡድን በመመስረት እና ትምህርት በመስጠት በጉዲፈቻ ምክንያት ከልጆቻቸው ጋር ለተለያዩ ለወላጆች የስነ-ልቦና ድጋፍ ይሰጣል፡፡

የኢትዮጵያ ማደጐ ወይም ጉዲፈቻ ትስስር የተቋቋመው ኢትዮጵያዊያን እናቶችና አባቶች በውጪ ሀገር በጉዲፈቻነት ተሰጥተው ከሚኖሩ ልጆቻቸው ጋር እንዲገናኙ ነው፡፡ ይህ ለልጆቹም ሆነ ለወላጆቻቸው ሰላምን እንደሚሰጥ ተስፋ እናደርጋለን፡፡

የኢትዮጵያ ማደጐ ወይም ጉዲፈቻ ትስስርን ማን መሰረተው?

የሁለት ኢትዮጵያዊያን ልጆች እናት የሆኑት አሜሪካዊት ይህንን ድህረገጽ  እ.ኤ.ኣ በጃንዋሪ 2014 ወይም ጥር 2006 ዓ.ም ዘረጉ፡፡ ወ/ሮ አንድሪያ የአንዷን ልጅ ወላጅ እናት አፈላልገው እ.ኤ.አ በ2004 ወይም በ1996 ዓ.ም አገኙ፡፡ የሁለተኛውን ልጅ ቤተሰብ ለአስር ዓመታት እያፈላልጉ ቆይተዋል፡፡ መፈለጋቸውንም አያቆሙም፡፡

እንዴት ነው የሚሰራው?

ኢትዮጵያውያን ቤተሰቦችና የማደጐ (የጉዲፈቻ) ቤተሰቦች የልጃቸውን የማደጐ (የጉዲፈቻ) መረጃ ከምስል ጋር የመረጃ ቋታችን ውስጥ ያስገባሉ፡፡ ይህ የመረጃ ቋት ማንም ሰው ሊገለገልበት ይችላል፡፡ ቤተሰቦች እዚህ ውስጥ የልጃቸውን መረጃ መካተት እና አለመካተቱን መፈለግ ይችላሉ፡፡ አዳዲስ መረጃ በማንኛውም ጊዜ መጨመር ስለሚቻልም ድህረገፁን በየጊዜው መጎብኘት ያስፈልጋል፡፡

ልጅዎ እንደሆነ(ች) ያመኑበትን መረጃ ካገኙ ልጁን ወይም የማደጐ (የጉዲፈቻ) ወላጆቹ(ቿ)ን በድህረገፁ አማካኝነት ማግኘት ይችላሉ፡፡

በአሁኑ ወቅት መፈለጊያውና የመረጃ ማስገቢያው ቋንቋ በእንግሊዘኛ ነው፡፡ ወደፊት ሙሉውን ድህረገፅ ለመተርጎም ተስፋ እናደርጋለን: ግን በጣም ውድ ነው፡፡ እንግሊዘኛ ማንበብ የማይችሉ ኢትዮጵያዊያን መረጃ ለማስገባት ወይም ለመፈለግ ቋንቋውን የሚችል ሰው ያስፈልጋቸዋል፡፡

ይሄ ስራ የተጀመረው እ.ኤ.ኣ በጃንዋሪ 2014 ወይም በጥር 2006ዓ.ም እንደመሆኑ መረጃ ለማጠራቀም ረጅም ጊዜ ይፈልጋል፡፡ ይህንን ድህረገጽ የሚጠቀሙ ሰዎች በትዕግስት እንዲከታተሉን እንጠይቃለን፡፡

ይህ ድህረ ገፅ በነፃ የሚያገኙት አገልግሎት ስለሆነ ማንም በኢትዮጵያ ማደጐ ጉዲፈቻትስስር ስም ገንዘብ ሊጠይቅዎ አይገባም፡፡ ከተጠየቁም ይጠቁሙን፡፡